Ballina / BOTA / Pak orë pas votimit, Londra filloi bombardimet në Siri

Pak orë pas votimit, Londra filloi bombardimet në Siri

Avionët luftarakë britanikë kanë nisur bombardimet kundër terroristëve të Shtetit Islamik në Siri. Katër avionë të Forcave Ajrore Tornado GR4 janë nisur nga baza e Akrotiris në Qipro drejt Sirisë.

Mediat britanike raportuan se dy avionët ishin rikthyer në bazë disa orë më pas dhe atyre iu mungonin bombat, duke lënë të kuptohet se është tentuar të goditen objektivat e ISIS, ashtu siç është konfirmuar më pas edhe nga Ministria e Mbrojtjes.

Forcat Ajrore janë duke u përgatitur prej muajsh për operacionet kundër ISIS në Siri, ndryshe nuk shpjegohet edhe ndërmarrja e sulmeve vetëm 57 minuta pasi Parlamenti britanik u deklarua “pro” sulmeve.

Presidenti amerikan, Barack Obama ka përshëndetur votimin e Parlamentit duke e quajtur Britaninë si aleatin e saj më të ngushtë në luftën ndaj ISIS.

Ministria e Mbrojtjes pritet që në orët në vazhdim të dalë me një deklaratë për të dhënë më shumë detaje për  sulmet e para.

Provo po ashtu

Gucati: Specialja i ka ftuar edhe dhjetëra ish-pjesëtarë të UÇK-së, ende nuk i dimë emrat

Edhe disa ish-luftëtarë të Ushtrisë Çlirimtare të Kosovës pritet që së shpejti të jenë “mysafirë” …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.